မေတ္တာဝေအာဟာရ

မင်္ဂလာပါ၊ ကျွန်မ ဝေစန်းသီ ဖြစ်ပါတယ်။ ကျွန်မဟာ မျိုးပွားမှုဆိုင်ရာ အထူးပြုထားတဲ့ အာဟာရပညာရှင်တစ်ဦး ဖြစ်သလို၊ မိခင်တစ်ဦးလည်း ဖြစ်ပြီး ကိုယ်ဝန်ရဖို့ကြိုးစားတဲ့ ခရီးစဉ်ဟာ မည်မျှ လေးနက်ပီး သူများနှင့်မတူညီသည့် မိမိကိုယ်ပိုင်ခရီး ဖြစ်ကြောင်း နားလည်တဲ့လူတစ်ဦးလည်း ဖြစ်ပါတယ်။ 

​

မြန်မာနိုင်ငံဇာတိဖြစ်ပြီး ယခုအခါ သြစတြေးလျတွင် နေထိုင်လျက်ရှိပါတယ်။ ကျွန်မမှာ Accredited Practising Dietitian အဖြစ် အသိအမှတ်ပြုလက်မှတ်ရှိပြီး၊ ရောဂါရှည်လျားစွာဖြင့် နေထိုင်သူများအတွက် အာဟာရကုထုံးဖြင့် စောင့်လျောက်သည့်အတွေ့အကြုံလည်း ရှိပါတယ်။ ကျွန်မသည် ယဉ်ကျေးမှုနောက်ခံများစွာမှ တိုင်ပင်လာသူများကို ပံ့ပိုးဝန်ဆောင်မှုများပေးထားပြီး အင်္ဂလိပ်နှင့် မြန်မာ နှစ်ဘာသာလုံးဖြင့် တိုင်ပင်ဆွေးနွေးမှုများ ပေးနိုင်ပါတယ်။

​

ယခုအခါမှာတော့ သန္ဓေအောင်ရေးနှင့် အမျိုးသမီးကျန်းမာရေးအတွက် အာဟာရပညာပေးချင်းနှင့် ဆွေးနွေးကုသမှုကို အထူးပြုလုပ်နေပြီး၊ ကိုယ်ဝန်အတွက် ပြင်ဆင်နေသူ အမျိုးသမီးတစ်ဦးချင်းသာမက ဇနီးမောင်နှံများအားအတွက်  မိမိနှင့်ကိုက်ညီသော စားသောက်ပုံအပြင် မိမိရိုးရာဓလေ့စားသောက်မှုများအတွက်ပါထည့်သွင်းစဉ်းစားထားသော ​စောင့်ရှောက် မှုဖြင့် ကိုယ်ဝန်ရရန်အတွက် ပြင်ဆင်ရာတွင် ကူညီပေးသည်။ 

ကိုယ်ဝန်မတိုင်မီကာလအတွင်း အာဟာရမှန်ကန်မှုဟာ သင့်အနာဂတ်ကလေးငယ်အတွက် ကျန်းမာသောဘဝစတင်နိုင်ရေး အခြေခံကောင်းတစ်ခု ပေးနိုင်တယ်လို့ ကျွန်မယုံကြည်ပါတယ်။ ဒါဟာ မိဘနဲ့ကလေး နှစ်ဦးလုံးအတွက် ရေရှည်အကျိုးကျေးဇူးတွေလည်း ဖြစ်စေပါတယ်။

​

ကျွန်မက ဩစတြေးလျအပြင် နိုင်ငံတကာမှ ဆွေးနွေးတိုင်ပင်လာသူများအတွက်လည်း အဆင်ပြေသော တယ်လီဆွေးနွေးမှုဝန်ဆောင်မှု (telehealth consultations) ပေးနေပါတယ်။

​

ကျွန်မ၏ နောက်ခံအကြောင်းအရာနှင့် အရည်အချင်းများအကြောင်း  အသေးစိတ်ကို [ကျွန်မအကြောင်း] စာမျက်နှာမှာ ဖတ်ရှုနိုင်ပါတယ်။